Жичани

Оддел за жичани инструменти

Одделот за жичани инструменти претставува еден од столбовите на ДМБУЦ „Илија Николовски - Луј“, со богата традиција која со децении обликува врвни музичари, солисти, камерни изведувачи оркестарски уметници и педагози. На овој оддел се застапени инструментите: виолина, виола, виолончело,  контрабас и гитара.

Нашата мисија

Главниот фокус на одделот е развојот на индивидуалниот уметнички потенцијал на секој ученик. Преку спој на докажани педагошки методи и современи пристапи во наставата, нашиот висококвалификуван кадар посветено работи на градење на техничка прецизност, стилска култура и длабока музичка експресија кај младите таленти.

Активности и можности

Учениците од овој оддел се активни учесници во музичкиот живот на училиштето и градот преку:

• Редовни јавни часови и концерти на одделот во концертната сала на училиштето.

• Настапи со гудачкиот оркестар, каде се развиваат вештините за ансамблово музицирање.

• Камерна музика, која поттикнува соработка и заедничко креативно изразување.

• Учества на државни и меѓународни натпревари, каде нашите ученици традиционално освојуваат највисоки награди и признанија.

• Мастер-класи и семинари со еминентни професори и уметници од земјата и странство.

Зошто да изберете жичани инструменти?

Свирењето на жичан инструмент нуди уникатна можност за развој на фината моторика, слухот и дисциплината. Нашите наставници се тука да го водат секој ученик на патот од првите тонови до виртуозните изведби, создавајќи основа за понатамошно професионално усовршување на музичките академии ширум светот. Нашите поранешни ученици се активен дел на професионалните ансамбли како Македонската филхармоија и Националната опера и балет каде со својот ангажман директно придонесуваат кон македонската музичка сцена.

Одделот за жичани инструменти е место каде талентот се негува со љубов, а музиката станува животен пат.

почетна                                     музичка уметност                                      теоретска                                      пијано                                 дувачи                               балетска уметност